วันนี้วันดี วันสะหลีผ่องแผ้ว ต้อนฮับแขกแก้ว มาผ่อโครงก๋าน
ยอกรสิบนิ้ว หว่างกิ้วประสาน จาวเทศบาล วัดป่ารวกเนอเจ้า
จัดก๋านเฮียนสอน แน่นอนแต๊เล้า พอเพียงหมู่เฮา นำใจ๊
มีหลักเหตุผล หื้อคนกึ๊ดไซร้ ตุ๊กยากห่างได้ เร็วพลัน
พระราชดำรัส ป้อหลวงตรัสหื้อหัน หลักปอประมาณ ปอดีบ่อล้ำ
เกิดภูมิคุ้มกั่น ตึงวันตอกย้ำ ฮ่วมลงมือทำ ค่ำเจ๊า
แนวคิดปั๋ญหา นำมาวางเก๊า ถอดบทเฮียนเอา ชื่นชม
โครงก๋านออมทรัพย์ จ่ายฮับสะสม ตังค์ฮอมอุดม ไจ้ยามป่วยไข้
ปลูกผักครัวสวน หอมด่วนปักไว้ พริกข่าจะไค เพาะเห็ด
ประดิษฐ์สิ่งของ ปี้น้องก่อเด็ด ได้กู่ประเภท แป๋งมา
สะล้อซอจ๊อย เฮียงฮ้อยนั้นหนา ฟ้อนรำปู่จา ขลุ่ยซึงก่อได้
น้ำไฟของหลวง ตึงปวงเปิดใจ๊ ปรัชญาบอกไว้ พอเพียง
ศาสตร์พระราชา นำมาบ่อเสี้ยง คุณธรรมกู่เคียง เปียงปอ
สิบนิ้วยกยอ น้องขอกราบไหว้ หื้อโจ้กดีมีจัย ไปก่อนแลนายเหย
นางราวัลย์ ชูชาติวรรณกุล ผู้ประพันธ์
๑๓ ตุลาคม ๒๕๖๐
Cr. ภาพโดย ปิยพร กันทะวงศ์
ไม่มีความคิดเห็น:
แสดงความคิดเห็น